É curioso ao menos que cando menos tempo lle dedicas ao teu blogue persoal máis xente chegue a ti a través de el, ata saiu la crueldad del 20 Minutos en portada en Menéame.

Xa son maquero, xa teño meu Macbook, en negro por certo.. En canto teña un pouco de tempo comento que tal, pero por encima eu xa digo que me namorei do ben que van os Mac. Ao fío de todo isto, Óscar Reixa ofreceume escribir un pouco acerca de “as experienzas dun switcher a Mac” en Planeta Mac e xa fixen unha entrada, tentarei seguir escribindo, pero de novo a falta de tempo…

Os exámes e todo iso. O día 9 remato, e agardo poder ter un pouquiño máis de tempo, o prometo..

Isto simplemente é unha entrada de agradecemento. Hoxe 13 de Novembro cumplo os 20, e xa recibín moitas felicitacións de amigos e demáis xente…

Grazas por facer de estos 20 anos algo xenial, agardo seguir celebrando convosco os 30, os 40…

Estos días vai haber mudanzas no blogue, vou mudar de servidor, de Dreamhost a Media Temple. Por iso, pido pacienza se vos sae algún pantallazo de erro ao tentar acceder ao blogue. Avisarei cando esté a situación normalizada, graciñas.

Actualización: Xa está todo en Media Temple, polo que se védes algún faio (ademáis dos acentos nalgunhas A e ao poñer comentarios), avisádeme.

Como rapaz pontevedrés que son, ás veces falo de temas da miña cidade, pese a estar en Salamanca e visitar Pontevedra de vez en cando. Anda revolucionado o patio estes días na cidade a raíz da proposta do alcalde, do Bloque Nacionalista Galego, de trasladar o botellón.

Vou comentar a historia, antes que nada. En Pontevedra dende sempre se saiu de copas na zona vella, e é aí onde se fai botellón, nun parque ao carón dunha igrexa, o “Campillo de Santa María”. Hai un par de bares pequenos alí xustamente, mais alí se fai botellón ao ser un parque e perto do Casco Vello. Lóxicamente, alí tamén viven veciños, polo que sempre existiu o problema de ruídos.

Nesta 3º lexislatura conxunta de BNG+PSOE en Pontevedra se plantexa a opción do seu traslado, se levaron a cabo reunións con asociacións veciñais e co colectivo de mozos (para que logo digan que o BNG non escoita) e o BNG propuxo levar o botellón a un parque ao carón do Recinto Feiral, ao outro lado do río, onde non existe veciñanza pero a algo menos de 5 minutos andando do Casco Vello. Ademáis, Guillerme Vázquez, edil do BNG comentou a idea de aproveitar o Recinto Feiral que está ao carón para ofrecer alternativas de lecer e que non sexan o botellón.

O botellón non debe agacharse como se fai con moitos problemas, debe ser abordado entre tódolos sectores implicados para a súa soluciónResulta que hoxe a Asociación de Veciños do casco Vello din que non pode ser un mero traslado e que se deben ofrecer alternativas (aquí nótase quen non le a prensa). O PSOE pontevedrés, socio de goberno do BNG critica que se plantexe un traslado do botellón sen aportar alternativas, pois o botellón seguirá a existir.

Eu fixen (e fago) botellón, aquí en Salamanca case sempre na residencia pois na rúa multan. E, de pouco serve ocultar as cousas, pois seguirán existindo alá onde sexan, e xa poño aquí o exemplo, pois se segue facendo botellón. Se a xente quere facer botellón, se deberían adaptar recintos como o que propón o BNG. ¿Botellódromo? E que problema hai, alí non hai veciños que se poidan molestar, a limpeza sería máis sinxela pois se concentraría nun só sitio.

Resumindo, o botellón existirá namentras existan bares que cobren cantidades excesivas por copas que teñen de todo menos alcol, e namentras existan rapaces que queiran practicalo. Porén, se deberían adaptar lugares específicos e consensuados para que non haxa problemas e non ocultar o problema, pois xa temos experiencia en ver problemas ocultos que saen á luz…

Esto é un post simplemente para comentar que, grazas á enorme xentileza da xente de Fresqui mañá e pasado estarei en MadinSpain, un congreso de deseño web con bastante boa pinta, en Madrid.

E si, se alguén non o sabía, estou en Madrid ata o día 30.

Estos días recibín dous memes, un de Felipe e outro de Emilio, e como estiven algo liado con exames esta semana ata hoxe non puiden contestalos. Pero xa vou, primeiro co de Emilio. As 5 cousas que gostaría ter neste intre son:

• Un Macbook e non é que me encantaría, é que xa case é necesidade, o pobre do meu portátil está nas penúltimas…(acéptanse doazóns)
• O título de Enxeñeiro Técnico en Informática de Xestión, pra poñerme a traballar, que creo que me apetece, aínda que me quede este curso pra rematar a carreira.
• Ese alguen especial ao que aínda non atopaches ou deixaches ir…
• Unha batería de música, algo co que levo soñando dende sempre, ecreo que se me deu ben, e ademáis góstame.
• Unha empresa que fose ben e que se chamase Blogueiros.

Paso o meme a Breogain, a Carlitos Mantero, a Arantza e a Iago Laz (a ver se así publica…).

Fai unhas semanas atopei un defecto máis na miña lista: a pereza que me entra últimamente co blogueo no meu blogue persoal. Pero como é de ben nado ser agradecido, e máis vale tarde que nunca (teño o día refraneiro), quería agradecer dúas cousas:

• �? xente de Fresqui terme enviado o libro da Web 2.0 Hispana, por Fumero e Vacas. Realmente, libros así deberían poñerse á venda, é interesantísimo. E ademáis, ven cun mapa xenial de os Microsiervos.
• �? xente de 11870.com, posíbelmente un dos meus servizos web preferidos, que a raíz da miña entrada ¿Qué é 11870.com? e de algunha cousa máis me mandaron unha camiseta moi chula e unhas tarxetas pra deixar en sitios dos que faga revisións. Un millón de grazas rapaces!

Como ben comenta Carlos Mantero no seu blogue, varios blogueiros fomos seleccionados pra testar unha serie de cousas, e recibimos o terminal que podedes ver na imaxe, o Nokia E65.

O terminal simplemente é xenial. Ten 3G, Bluetooth e todo o que se lle soe pedir a un terminal normal, pero además ten Wi-Fi, polo que nos poderemos conectar a unha rede sen fíos e navegar por internet, simplemente xenial. Ademáis, pertence á serie E de Nokia, orientada aos negocios, e ten algunhas aplicacións pra ler correo e demáis.

Destacar, ademáis do Wi-Fi, a batería, que non é a normal que soe meter Nokia, senón un modelo que polo dagora teñen o N95, N93, E65 e algún máis, e que dura un tempo maior, o que se agradece cando se navega vía Wi-Fi, aínda que ben, se querédes ver unha boa revisión do producto, lede a de Carlos Mantero, que eu aínda teño que probalo bastante máis.

Más información: Blogue de Carlos Mantero
Más información: Web oficial

Estos días estou baixando un pouco o ritmo de publicación do blogue, e quen o sega o notou. Estou 15 días en Sanxenxo (Pontevedra), con Internet de Yoigo e maxino que nos vindeiros días poderei probar o Wi-Fi que trae o Nokia E65 grazas á xente de ClubZed que elexiu a varios blogueiros, entre eles a mín, pra probar algunhas cosas, así que nos deixan o teléfono unha tempada e algo de consumo ao mes, todo un luxo.

Pero ao que ía, pechei os comentarios no blogue, pois non vou a estar moi atento ao correo e non quero descoidar discusións e demáis; aínda que seguirei publicando cicais, pero a un ritmo non tan diario.

A noite pasada estiven vendo en o festival de Páleo en Suiza a dous grandes do directo, a Arcade Fire e a Björk.

Os Arcade, pese a que non son santo da miña devoción tiveron unha actuación bastante boa, que foi de menos a máis e rematou con Wake Up, do seu anterior disco “Funeral”, un auténtico colofón.

Punto e aparte foi a actuación de Björk, un auténtico furacán por riba do esceario (para que logo falen de artistas como Paulina Rubio e similares), que sabe xogar moitísimo cos efectos e co público, e que rematou levándose totalmente ao público suizo.

Máis información: Arcade Fire na Wikipedia
Máis información: Björk na Wikipedia
Máis información: Fotografías do Festival de Páleo
Máis información: Vídeos do Festival de Páleo